اسحاق ڈار کی ایس سی او اجلاس کیلئے تمام ضروری اقدامات یقینی بنانے کی ہدایت

نائب وزیراعظم اور وزیر خارجہ سینیٹر اسحاق ڈار کی زیر صدارت شنگھائی تعاون تنظیم (ایس سی او) کے سربراہانِ مملکت کے اجلاس 2027ء کے انعقاد کے حوالے سے فالو اپ کمیٹی کا اجلاس منعقد ہوا، جس میں اجلاس کے مقام، تیاریوں اور مہمانوں کی رہائش کے انتظامات کا تفصیلی جائزہ لیا گیا۔ اسحاق ڈار نے متعلقہ حکام کو ہدایت کی کہ آئندہ سربراہی اجلاس کے کامیاب انعقاد کے لیے تمام ضروری امور بروقت اور مؤثر انداز میں یقینی بنائے جائیں۔ اجلاس میں وزیراعظم کے معاون خصوصی طارق باجوہ، سیکرٹری خارجہ، سیکرٹری داخلہ، ایس سی او کے قومی رابطہ کار اور چیئرمین سی ڈی اے سمیت اعلیٰ حکام نے شرکت کی۔