ناشتہ کرنے سے صحت پر مرتب ہونے والے حیرت انگیز اثر کا انکشاف

ایک نئی امریکی طبی تحقیق کے نتائج نے اس بات کی تصدیق کر دی ہے کہ ناشتہ واقعی دن کی اہم ترین اور بہترین غذا ہے، اور باقاعدگی سے ناشتہ کرنے والے افراد پرتناؤ صورتحال اور ذہنی تناؤ پر زیادہ بہتر انداز میں قابو پانے کی صلاحیت رکھتے ہیں۔

امریکا کی بینگہمٹن یونیورسٹی کی تحقیق، جو ‘جرنل آف امریکن کالج ہیلتھ’ میں شائع ہوئی، میں 400 افراد کی غذائی عادات، نیند اور جسمانی سرگرمیوں کا جائزہ لیا گیا۔ تحقیق کے مطابق ہفتے میں کم از کم 5 بار ناشتہ کرنے اور روزانہ 20 منٹ جسمانی سرگرمی میں حصہ لینے والے افراد میں “نفسیاتی لچک” (Psychological Resilience) بہتر ہوتی ہے، جس سے انہیں ذہنی تناؤ اور پریشانی سے جلدی بحال ہونے میں مدد ملتی ہے۔ اس کے برعکس، رات میں 6 گھنٹے سے کم نیند اور فاسٹ فوڈ کا زیادہ استعمال ذہنی لچک اور صحت پر منفی اثرات مرتب کرتا ہے۔

علاوہ ازیں، ٹیکساس یونیورسٹی کی جولائی 2026 میں پیش کی گئی ایک اور تحقیق میں پتہ چلا کہ جو افراد ناشتہ کرتے ہیں، وہ دن بھر میں فائبر، آئرن، زنک اور کولین جیسے صحت بخش اجزا زیادہ مقدار میں جزوِ بدن بناتے ہیں اور شکر و چکنائی والی غیر متوازن غذاؤں سے دور رہتے ہیں۔ بالخصوص ناشتے میں زیادہ پروٹین کا استعمال جسم کو دن بھر درکار ضروری غذائیت فراہم کرتا ہے اور مختلف دائمی بیماریوں کے خطرے کو بھی کم کرتا ہے۔