وزیراعظم سے لاہور چیمبر آف کامرس کے فاؤنڈرز گروپ کے وفد کی ملاقات

وزیراعظم محمد شہباز شریف سے لاہور چیمبر آف کامرس اینڈ انڈسٹری (LCCI) کے فاؤنڈرز گروپ کے اعلیٰ سطحی وفد نے ملاقات کی، جس میں ملکی معاشی صورتحال، تجارتی سرگرمیوں کی وسعت اور صنعتوں کو درپیش مسائل پر تفصیلی تبادلہ خیال کیا گیا۔ وزیراعظم نے معیشت کی استحکام میں تاجر برادری کے کردار کو سراہتے ہوئے کہا کہ حکومت نجی شعبے کے ساتھ مل کر کاروبار دوست ماحول کی فراہمی کے لیے کوشاں ہے۔ میاں مصباح الرحمٰن اور دیگر اراکین پر مشتمل وفد نے حکومت کی معاشی پالیسیوں کی توثیق کرتے ہوئے اپنی تجاویز پیش کیں اور ماضی میں بطور صدر لاہور چیمبر وزیراعظم کی خدمات کا اعتراف کیا۔ ملاقات میں وفاقی وزراء اعظم نذیر تارڑ، عطا اللہ تارڑ اور علی پرویز ملک بھی موجود تھے۔