لاہور: بغیر نمبر پلیٹ گاڑی چلانے پر ٹک ٹاکر سعمیہ مبارک گرفتار

لاہور میں ڈیفنس بی پولیس نے بغیر نمبر پلیٹ آڈی گاڑی چلانے اور پولیس ناکے پر رکنے کے بجائے فرار ہونے کے الزام میں معروف ٹک ٹاکر سعمیہ مبارک اور ان کی دوست کو گرفتار کر لیا ہے۔

پولیس کے مطابق ملزمہ سعمیہ مبارک ٹک ٹاکر ندیم نانی والا کی بہن ہیں۔ واقعے کے وقت جب پولیس نے بغیر نمبر پلیٹ گاڑی کو ناکے پر رکنے کا اشارہ کیا تو ملزمہ نے گاڑی روکنے کے بجائے بھگانے کی کوشش کی، جس کے نتیجے میں گاڑی کی ٹکر سے ایک پولیس کانسٹیبل زخمی ہو گیا۔

پولیس نے تعاقب کے بعد دونوں خواتین کو حراست میں لے لیا۔ ڈیفنس بی تھانے میں ملزمہ کے خلاف مقدمہ درج کر لیا گیا ہے جبکہ واقعے کی مزید قانونی کارروائی جاری ہے۔