جنوبی مغربی کنارے کے شہرالخلیل میں فائرنگ، 2 اسرائیلی فوجی ہلاک، 3زخمی

مقبوضہ مغربی کنارے کے جنوبی شہر الخلیل (Hebron) میں فائرنگ کے ایک واقعے میں 2 اسرائیلی فوجی ہلاک اور 3 شدید زخمی ہو گئے۔

اسرائیلی میڈیا کے مطابق، واقعے میں ہلاک ہونے والے سیکیورٹی اہلکاروں کی شناخت 23 سالہ اسٹاف سارجنٹ رون یوناتان رائٹمین اور 20 سالہ سارجنٹ یووال شائی سوویلم کے ناموں سے ہوئی ہے۔

فلسطینی مزاحمتی تنظیموں کے اتحاد ‘پاپولر ریزسٹنس کمیٹیز’ (PRC) نے اس فائرنگ کے واقعے کا خیرمقدم کرتے ہوئے اسے سراہا ہے۔ تنظیم کا کہنا ہے کہ یہ اقدام مقبوضہ فلسطینی علاقوں میں اسرائیلی فورسز اور انتہا پسند یہودی آبادکاروں کی جانب سے فلسطینیوں پر کیے جانے والے مظالم اور کارروائیوں کا ردِعمل ہے۔