روس اور یوکرین کے درمیان 540 جنگی قیدیوں کا تبادلہ، 270 روسی فوجی ماسکو پہنچ گئے

روس اور یوکرین کے درمیان جنگی قیدیوں کے تازہ تبادلے کے تحت 540 فوجی اپنے اپنے وطن واپس پہنچ گئے ہیں۔ اس فریقین کے مابین طے پانے والے معاہدے کے مطابق 270 روسی فوجیوں کے بدلے میں 270 یوکرینی قیدیوں کو رہا کیا گیا ہے۔

روسی وزارتِ دفاع کے مطابق 23 اکتوبر کو یوکرین کی تحویل سے آزاد کرائے گئے 270 روسی اہلکاروں کو لے کر دو الیوشن (Il-76MD) ملٹری ٹرانسپورٹ طیارے ماسکو کے فوجی ہوائی اڈے پر لینڈ کر گئے ہیں۔ رہائی پانے والے تمام اہلکاروں کو طبی امداد اور بحالی کے مراکز منتقل کیا جا رہا ہے۔

روس اور یوکرین کے درمیان جاری شدید فوجی تنازع کے باوجود قیدیوں کا باقاعدہ تبادلہ ان چند محدود امور میں شامل ہے جن پر دونوں ممالک کے درمیان سفارتی اور عملی سطح پر رابطہ برقرار ہے۔