ہاکی ورلڈ کپ کے کلاسیفکیشن راؤنڈ کے میچ میں نیوزی لینڈ کی پاکستان کو 2-4 سے شکست

ہاکی ورلڈ کپ کے کلاسیفکیشن راؤنڈ کے اہم میچ میں نیوزی لینڈ نے پاکستان کو 2-4 سے شکست دے دی ہے۔ نیوزی لینڈ نے میچ کے آغاز سے ہی جارحانہ کھیل کا مظاہرہ کرتے ہوئے پہلے کوارٹر میں ایک، دوسرے میں دو اور چوتھے کوارٹر میں ایک گول اسکور کیا۔ پاکستان کی جانب سے تیسرے کوارٹر میں شاندار کم بیک اور بھرپور مزاحمت دیکھنے کو آئی، جہاں سفیان خان اور افراز نے ایک ایک گول کر کے خسارہ کم کرنے کی کوشش کی، تاہم قومی ٹیم میچ برابر کرنے میں ناکام رہی اور نیوزی لینڈ نے میچ 2-4 سے اپنے نام کر لیا۔