پاکستان اور بھارت کی جوڑی نے ورلڈ ٹینس جونیئر ڈبلز کا ٹائٹل جیت لیا

پاکستان کے ابھرتے ہوئے ٹینس کھلاڑی محمد یحییٰ اور بھارت کے امرت واتس نے آئی ٹی ایف ورلڈ ٹینس ٹور جونیئرز جے 30 جبوتی کا ڈبلز ٹائٹل اپنے نام کر لیا ہے۔ فائنل مقابلے میں پاک بھارت جوڑی نے شاندار کھیل اور بہترین کارکردگی کا مظاہرہ کرتے ہوئے تھائی لینڈ کے ڈیوڈ ایوایو اور سعودی عرب کے احمد بہاء سروجی پر مشتمل جوڑی کو مسلسل سیٹس میں 6-2 اور 6-4 سے شکست دی۔ اس فتح کے ساتھ ہی پاک بھارت جوڑی نے ٹورنامنٹ کی ٹرافی اپنے نام کر کے جونیئر ٹینس کے عالمی افق پر بہترین صلاحیتوں کا لوہا منوا لیا ہے۔