وزیراعظم کی قیمتی پتھروں کیلئے برانڈ پاکستان متعارف کروانے کی ہدایت

وزیرِ اعظم محمد شہباز شریف نے قیمتی پتھروں اور جواہرات کی برآمدات میں اضافے کے لیے خطے کے دیگر ممالک کی طرز پر ’برانڈ پاکستان‘ پر کام کرنے اور ویلیو ایڈیشن کا جامع ایکو سسٹم تشکیل دینے کی ہدایت کی ہے۔ اسلام آباد میں اعلیٰ سطحی جائزہ اجلاس کی صدارت کرتے ہوئے وزیرِ اعظم نے پائلٹ پراجیکٹس میں تاخیر پر شدید برہمی کا اظہار کیا اور کہا کہ غیر معیاری کان کنی اور اسمگلنگ سے ملک کو سالانہ اربوں ڈالر کا نقصان ہو رہا ہے جسے مزید برداشت نہیں کیا جا سکتا۔ اجلاس کو بریفنگ میں بتایا گیا کہ گلگت بلتستان، آزاد کشمیر اور کے پی میں جیولاجیکل میپنگ کے ذریعے 8 نئے بلاکس کی نشاندہی کر لی گئی ہے، سکردو میں ’سینٹر آف ایکسیلنس‘ کے لیے زمین منتقل ہو چکی ہے جبکہ رواں برس اس شعبے کے لیے 1 ارب روپے مختص کیے گئے ہیں۔ وزیرِ اعظم نے اگلے ہفتے تک تمام رکاوٹیں دور کر کے پیش رفت رپورٹ پیش کرنے کا حکم دیا ہے۔