ایف آئی وی بی بوائز انڈر 17 والی بال چیمپئن شپ، پاکستان کی چائنیز تائپے کو 0-3 سے شکست

دوحہ میں جاری ایف آئی وی بی (FIVB) بوائز انڈر 17 والی بال ورلڈ چیمپئن شپ میں پاکستان نے شاندار کھیل کا مظاہرہ کرتے ہوئے اپنے پہلے میچ میں چائنیز تائپے کو مسلسل تین سیٹس میں 0-3 سے شکست دے دی ہے۔ پول ‘ای’ کے اس ایک طرفہ مقابلے میں پاکستان کی فتح کا اسکور 20-25، 10-25 اور 23-25 رہا۔ قومي ٹیم کی جانب سے فہد نے عمدہ کارکردگی دکھاتے ہوئے سب سے زیادہ 13 پوائنٹس حاصل کیے جبکہ کپتان عرفان نے 11 پوائنٹس اسکور کر کے ٹیم کی کامیابی میں اہم کردار ادا کیا۔

میچ کے شماریاتی اعداد و شمار کے مطابق پاکستان نے اٹیک میں 36 اور سروس میں 6 پوائنٹس حاصل کیے، جبکہ چائنیز تائپے بالترتیب 29 اور 0 پوائنٹس ہی بنا سکا۔ بلاکس میں بھی پاکستان کو 7-8 سے سبقت حاصل رہی اور قومی ٹیم نے حریف کھلاڑیوں کی 18 غلطیوں کا پورا فائدہ اٹھایا۔ ایونٹ میں پاکستانی ٹیم اپنا اگلا اہم میچ آج ایران کے خلاف کھیلے گی۔