لیڈز ٹیسٹ: دوسرے روز کا کھیل ختم، انگلینڈ کی پوزیشن مضبوط، پاکستان پر 195 رنز کی برتری حاصل

لیڈز میں کھیلے جا رہے ٹیسٹ میچ کے دوسرے روز کا کھیل ختم ہونے تک انگلینڈ کی ٹیم نے پاکستان کی پہلی اننگز کے جواب میں آٹھ وکٹوں کے نقصان پر 366 رنز بنا کر میچ پر اپنی گرفت مضبوط کر لی ہے۔ انگلش ٹیم کو قومی ٹیم پر 195 رنز کی واضح برتری حاصل ہو چکی ہے۔ انگلینڈ کی جانب سے ہیری بروک نے ایک رن پر ملے چانس کا بھرپور فائدہ اٹھاتے ہوئے 91 رنز کی شاندار اننگز کھیلی، جبکہ جارڈن کاکس 73، جو روٹ 66 اور ڈین لارنس 51 رنز بنا کر آؤٹ ہوئے۔

پاکستان کی جانب سے علی عثمان نے عمدہ بولنگ کرتے ہوئے 5 وکٹیں حاصل کیں۔ اس سے قبل پاکستان کی پہلی اننگز 171 رنز پر سمیٹ گئی تھی۔ یاد رہے کہ بارش کے باعث دوسرے روز کا کھیل تاخیر سے شروع ہوا، جبکہ باؤنڈری پر کیچ پکڑتے ہوئے انگلی کی انجری کا شکار ہونے کے باعث بابر اعظم میچ سے باہر ہو گئے ہیں اور ان کی جگہ سلمان علی آغا کو کپتانی کی ذمہ داری سونپ دی گئی ہے۔