بانی پی ٹی آئی سے ملاقات کیلئے رفقا کی فہرست جیل حکام کو جمع

پاکستان تحریک انصاف (پی ٹی آئی) نے اڈیالہ جیل میں بانی پی ٹی آئی سے ملاقات کے طے شدہ دن کے لیے رہنماؤں اور قانونی ٹیم کے ناموں کی فہرست باضابطہ طور پر جیل حکام کے سپرد کر دی ہے۔ پی ٹی آئی کے وکیل اویس یونس چوہدری ایڈووکیٹ نے یہ فہرست جیل انتظامیہ کے حوالے کی۔ ذرائع کے مطابق بانی پی ٹی آئی سے ملاقات کے لیے جمع کرائی گئی فہرست میں علی نیازی، مجاہد خان، ملک عارف، اعظم چوہدری، رضوان بٹ اور برکت اللہ کے نام شامل ہیں، جو مقررہ ضوابط کے تحت جیل میں بانی پی ٹی آئی سے ملاقات کریں گے۔