پاکستان اور انگلینڈ کے درمیان کرکٹ تعاون مزید مضبوط بنانے پر اتفاق

برطانیہ میں پاکستان کے ہائی کمشنر ٹیپو عثمان نے انگلینڈ اینڈ ویلز کرکٹ بورڈ (ای سی بی) کے چیف ایگزیکٹو رچرڈ گولڈ سے ایک پروقار ملاقات کی ہے۔ ملاقات کے دوران پاکستان اور انگلینڈ کے درمیان کرکٹ کے میدان میں تعاون کو مزید وسعت دینے، باہمی روابط کو مضبوط بنانے اور آئندہ ہونے والی ٹیسٹ سیریز کے انتظامات و امور پر مثبت تبادلہ خیال کیا گیا۔ پاکستانی ہائی کمیشن کے مطابق، اس ملاقات نے دونوں ممالک کے درمیان دیرینہ اور تاریخی کرکٹ تعلقات کی اہمیت کو ایک بار پھر اجاگر کیا ہے اور فریقین نے کھیلوں کے فروغ کے لیے مل کر کام کرنے کے عزم کا اعادہ کیا ہے