’وہ تو بہن سمجھ کر جواب دیتے تھے‘، ڈاکٹر نبیحہ نے شوہر کو کلین چٹ دے کر ملبہ ’دوسری لڑکیوں‘ پر گرا دیا

معروف سوشل میڈیا شخصیت ڈاکٹر نبیحہ اور ان کے شوہر حارث کھوکھر کے درمیان طلاق کی دو مرتبہ شروع ہونے والی کارروائی کے باوجود دونوں اب بھی ایک ساتھ ہیں اور حال ہی میں مری میں چھٹیاں مناتے ہوئے نظر آئے ہیں۔ تنازعات اور علیحدگی کی خبروں کے بعد ڈاکٹر نبیحہ نے اپنے سابقہ موقف پر نئی وضاحت دیتے ہوئے کہا کہ اصل میں دوسری لڑکیوں کی غلطی تھی جو جان بوجھ کر حارث کو میسجز کرتی تھیں تاکہ وہ سڑیں اور جلیں۔ انہوں نے حارث پر سوال اٹھایا کہ وہ ان لڑکیوں کو جواب ہی کیوں دیتے تھے، جس پر حارث کا کہنا تھا کہ صحافی لڑکیاں ان سے ان کے خراب تعلقات کے بارے میں جاننا چاہتی تھیں اور وہ انہیں بہن سمجھ کر جواب دے رہے تھے۔ حارث کے اس جواب پر ڈاکٹر نبیحہ نے تسلیم کیا کہ اگر ایسا ہے تو حارث کی کوئی غلطی نہیں اور حارث نے خود کو سدھارنے کا وعدہ کیا ہے جو ان کے لیے کافی ہے۔

ڈاکٹر نبیحہ نے مزید انکشاف کیا کہ دونوں کی علیحدگی اور تنازع کے دوران انہیں مختلف نمبرز سے میسجز اور حارث پر چیٹنگ کے الزامات پر مبنی جعلی اے آئی (AI) ویڈیوز بھیجی گئیں جن میں حارث کو غلط حرکات کرتے دکھایا گیا تھا، جس سے صورتحال مزید پیچیدہ ہو گئی تھی۔ دونوں جانب سے اس نئی وضاحت اور صلح نامے کی خبر کے بعد سوشل میڈیا صارفین مختلف آراء کا اظہار کر رہے ہیں۔ واضح رہے کہ ڈاکٹر نبیحہ نے کچھ عرصے قبل اپنے دیرینہ دوست حارث کھوکھر سے شادی کی تھی تاہم ان کی ازدواجی زندگی مسلسل خبروں اور تنازعات کا شکار رہی ہے۔