اجے دیوگن بنیں گے ’کرائم پٹرول‘ کے نئے میزبان، شو کا نیا سیزن کب شروع ہو گا؟

بالی ووڈ کے معروف اداکار اجے دیوگن اب بھارت کے مقبول ترین کرائم شو ’کرائم پٹرول‘ کے نئے سیزن کی میزبانی کرتے نظر آئیں گے۔ ان کی میزبانی میں شو کا یہ نیا سیزن 31 اگست 2026ء سے شروع ہونے جا رہا ہے، جس میں ملک بھر کو جھنجھوڑ دینے والے حقیقی واقعات پر مبنی اہم کیسز ناظرین کے سامنے پیش کیے جائیں گے۔

شو کے حال ہی میں جاری کیے گئے پرومو میں اجے دیوگن اپنی سنجیدہ اور پُراثر آواز میں ناظرین سے مخاطب ہوتے دکھائی دیے، جہاں انہوں نے لوگوں کو خوف میں مبتلا ہونے کے بجائے اپنے اردگرد کے حالات اور لوگوں کے حوالے سے زیادہ محتاط رہنے کا مشورہ دیا ہے۔ اجے دیوگن نے اس شو کا حصہ بننے کو اپنے مداحوں اور ناظرین کے لیے ایک بڑی ذمہ داری قرار دیا ہے۔ ‘کرائم پٹرول’ کا یہ سیزن پیر 31 اگست 2026ء کو رات 10:30 بجے سے بھارتی ٹی وی چینلز پر باقاعدہ نشر کیا جائے گا۔