قومی اسمبلی اور سینیٹ کا اجلاس 17 اگست کو طلب کرنے کا فیصلہ

وفاقی وزیر برائے پارلیمانی امور طارق فضل چوہدری نے کہا ہے کہ وزارتِ پارلیمانی امور نے 17 اگست کو قومی اسمبلی اور سینیٹ کا اجلاس طلب کرنے کے لیے باضابطہ سمری ارسال کر دی ہے۔ انہوں نے بتایا کہ اتحادی جماعتوں کے ساتھ تفصیلی مشاورت مکمل کرنے کے بعد دونوں ایوانوں کا اجلاس بلانے کا فیصلہ کیا گیا ہے۔

طارق فضل چوہدری کے مطابق مقررہ تاریخ یعنی 17 اگست کو سینیٹ کا اجلاس شام 4 بجے منعقد ہو گا، جبکہ قومی اسمبلی کا اجلاس شام 5 بجے طلب کیا گیا ہے۔