منفرد آواز کی مالک پاکستانی پاپ کوئین نازیہ حسن کو دنیا چھوڑے 26 برس بیت گئے
Web Desk
12 August 2026
پاکستان میں شعبہ موسیقی کو ایک نیا موڑ دینے والی اور منفرد اندازِ گلوکاری کی مالک پاپ کوئین نازیہ حسن کی 26 ویں برسی آج منائی جا رہی ہے۔ 3 اپریل 1965ء کو کراچی میں پیدا ہونے والی نازیہ حسن نے انتہائی کم عمری میں اپنی سریلی آواز اور اچھوتے انداز سے گلوکاری کی دنیا میں وہ مقام حاصل کیا جو کم ہی فنکاروں کے حصے میں آتا ہے۔
نازیہ حسن کو شہرت کی بلندیوں پر پہنچانے والا پہلا گانا ’’آپ جیسا کوئی میری زندگی میں آئے‘‘ تھا، جس نے برصغیر کے موسیقی کے منظر نامے کو بدل کر رکھ دیا۔ انہوں نے اپنے بھائی زوہیب حسن کے ساتھ مل کر پاکستانی اور ایشیائی موسیقی میں مغربی پاپ کلچر متعارف کرایا۔ ان کا پہلا میوزک البم ’’ڈسکو دیوانے‘‘ دنیا بھر کے 14 سے زائد ممالک میں ریلیز ہوا اور اپنے وقت کا سب سے زیادہ فروخت ہونے والا ایشین پاپ البم بن گیا۔
انگریزی البم ’’ڈریمر دیوانے‘‘ کے ذریعے عالمی سطح پر پذیرائی حاصل کرنے والی اس ورسٹائل گلوکارہ کو پرائیڈ آف پرفارمنس اور بیسٹ فی میل پلے بیک سنگر سمیت متعدد ملکی و بین الاقوامی ایوارڈز سے نوازا گیا۔ نازیہ حسن 13 اگست 2000ء کو صرف 35 برس کی عمر میں لندن میں پھیپھڑوں کے کینسر کے باعث اس فانی دنیا سے کوچ کر گئی تھیں، تاہم ان کے گائے ہوئے نغمے آج بھی دنیا بھر میں اردو موسیقی کے شائقین کے دلوں میں بسے ہوئے ہیں۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026