ناروے کے وزیر خارجہ کی جی ایچ کیو آمد، فیلڈ مارشل سید عاصم منیر سے ملاقات

پاکستان کے دورے پر آئے ہوئے ناروے کے وزیرِ خارجہ ایسپن بارتھ ایڈے (Espen Barth Eide) نے پاک فوج کے ہیڈکوارٹرز (جی ایچ کیو) راولپنڈی کا دورہ کیا، جہاں انہوں نے آرمی چیف جنرل سید عاصم منیر سے ملاقات کی۔ پاک فوج کے شعبہ تعلقات عامہ (آئی ایس پی آر) کے مطابق ملاقات کے دوران باہمی دلچسپی کے امور، علاقائی سیکیورٹی کی صورتحال اور دوطرفہ تعلقات کو مزید فروغ دینے پر تفصیلی تبادلہ خیال کیا گیا۔

آئی ایس پی آر کے مطابق ملاقات میں آرمی چیف جنرل سید عاصم منیر نے عالمی امن اور علاقائی استحکام کے حوالے سے پاکستان کے اصولی مؤقف کو اجاگر کیا۔ دونوں رہنماؤں نے مشترکہ سیکیورٹی چیلنجز سے نمٹنے کے لیے باہمی تعاون اور ہم آہنگی بڑھانے کی ضرورت پر زور دیا۔ اس موقع پر ناروے کے وزیرِ خارجہ نے علاقائی امن و استحکام کی بحالی میں پاک فوج کے تعمیری کردار اور قربانیوں کو سراہا۔ ملاقات کے اختتام پر پاکستان اور ناروے نے دفاعی و سیکیورٹی شعبوں میں دوطرفہ تعاون کو مزید وسعت دینے اور باہمی تعلقات کو مضبوط بنانے کے عزم کا اعادہ کیا۔