پاکستان میں اب ڈالر کمانا بہت آسان ہوگیا، فیس بک نے بہت بڑی خوشخبری سنا دی

اسلام آباد: پاکستان میں فیس بک سے ڈالرز کمانے کے خواہشمند افراد کے لیے ایک نئی اور بڑی خوشخبری سامنے آئی ہے، جس کے بعد اب سوشل میڈیا پلیٹ فارم سے کمائی کا عمل پہلے سے کہیں زیادہ آسان ہو گیا ہے۔ دنیا بھر میں لاکھوں فری لانسرز اور کانٹینٹ کریئٹرز فیس بک سے ماہانہ لاکھوں ڈالرز کما رہے ہیں، لیکن پاکستان میں مونیٹائزیشن ٹول کے سخت معیار (Criteria) کی وجہ سے بہت سے لوگ اس سے فائدہ اٹھانے سے محروم تھے۔ فیس بک سے کمائی شروع کرنے کے لیے ‘کانٹینٹ مونیٹائزیشن’ بنیادی شرط ہے، جس کے لیے ماضی میں 10 ہزار فالوورز اور 60 لاکھ منٹ کا واچ ٹائم مکمل کرنا لازمی تھا، تاہم اب فیس بک نے بعض پیجز اور اکاؤنٹس کے لیے اس کڑے چیلنج کو ختم کر کے اب تک کا سب سے آسان ہدف مقرر کر دیا ہے۔

فیس بک کی اس تازہ ترین اور انقلابی اپڈیٹ کے مطابق، اب اگر صارفین اپنے پیج پر صرف 28 دنوں کے اندر 3 لاکھ ویوز (Views) کا ٹارگٹ پورا کر لیتے ہیں، تو انہیں کانٹینٹ مونیٹائزیشن کا ٹول مل جائے گا اور ان کی ڈالرز میں کمائی شروع ہو جائے گی۔ ڈیجیٹل ماہرین کے مطابق، کسی بھی فعال پیج کے لیے 28 دنوں میں 3 لاکھ ویوز حاصل کرنا کوئی بڑا چیلنج نہیں ہے، تاہم اس کے لیے فیس بک کی دیگر پارٹنر مونیٹائزیشن اور کاپی رائٹ پالیسیوں کا خیال رکھنا انتہائی ضروری ہوگا۔ واضح رہے کہ مونیٹائزیشن کا یہ نیا اور آسان ترین چیلنج فی الحال فیس بک کے تمام پیجز یا اکاؤنٹس پر بیک وقت لاگو نہیں کیا گیا بلکہ یہ بتدریج منتخب اکاؤنٹس کو فراہم کیا جا رہا ہے۔