سٹاک ایکسچینج میں تیزی، 500 سے زائد پوائنٹس کا اضافہ ریکارڈ

کراچی: پاکستان سٹاک ایکسچینج (PSX) میں کاروباری ہفتے کے آخری روز، جمعہ کو بھی زبردست تیزی کا رجحان ریکارڈ کیا گیا ہے، جہاں مارکیٹ کے آغاز پر ہی انڈیکس 500 سے زائد پوائنٹس کی چھلانگ لگا کر ٹریڈ کرتا رہا۔

کاروبار کے آغاز میں ہی انویسٹرز کی جانب سے جارحانہ خریداری دیکھنے میں آئی، جس کے باعث مارکیٹ میں مثبت لہر دوڑ گئی اور انڈیکس نے ملکی تاریخ کی نئی بلند ترین سطح کو چھو لیا۔

سٹاک مارکیٹ کے مینوئل کے مطابق ٹریڈنگ سیشن کے آغاز پر انڈیکس کی صورتحال درج ذیل رہی کاروبار کے ابتدائی سیشن میں ہی کے ایس ای ہنڈرڈ انڈیکس 1 لاکھ 71 ہزار 698 پوائنٹس کی سطح پر پہنچ گیا۔یہ تیزی انڈیکس میں 523 پوائنٹس یعنی 0.31 فیصد کا واضح اضافہ ظاہر کرتی ہے۔

سٹاک مارکیٹ کے ماہرین اور بروکرز کے مطابق، گزشتہ روز سے جاری تیزی کے اس سلسلے کے پیچھے بین الاقوامی سیاسی منظرنامے میں ہونے والی مثبت تبدیلیاں ہیں امریکا اور ایران کے درمیان ممکنہ سفارتی پیش رفت سے متعلق سامنے آنے والی محتاط امید نے مارکیٹ کے ماحول کو سازگار بنایا ہے۔