پاکستان سٹاک مارکیٹ میں کاروبار کا مثبت زون میں آغاز

پاکستان اسٹاک ایکسچینج میں ہفتے کے پہلے کاروباری روز کی شروعات پر مثبت رجحان دیکھنے میں آیا ہے، جس کے باعث ہنڈرڈ انڈیکس ایک بار پھر 1 لاکھ 78 ہزار پوائنٹس کی سطح پر بحال ہو گیا۔ کاروبار کے آغاز پر ہی مارکیٹ میں تیزی کا غلبہ رہا اور 800 سے زائد پوائنٹس کے شاندار اضافے کے ساتھ 100 انڈیکس 1 لاکھ 78 ہزار 18 پوائنٹس کی سطح پر پہنچ گیا۔ یاد رہے کہ گزشتہ کاروباری ہفتے کے اختتام پر اسٹاک مارکیٹ میں 100 انڈیکس 1 لاکھ 77 ہزار 166 پوائنٹس کی سطح پر بند ہوا تھا، تاہم نئے ہفتے کی شروعات سرمایہ کاروں کے لیے خوش آئند ثابت ہوئی ہے۔