شہباز شریف 31 اگست کو کرغزستان کے تین روزہ دورے پر روانہ ہوں گے

اسلام آباد: وزیراعظم شہباز شریف 31 اگست کو کرغزستان کے دارالحکومت بشکیک کے تین روزہ سرکاری دورے پر روانہ ہوں گے۔

ذرائع کے مطابق، وزیراعظم 31 اگست اور یکم ستمبر کو شنگھائی تعاون تنظیم (SCO) کے سربراہانِ مملکت کے اعلیٰ سطح اجلاس میں پاکستان کی نمائندگی کریں گے۔ اس کانفرنس کے دوران وزیراعظم شہباز شریف چینی صدر ژی جن پنگ، روسی صدر ولادیمیر پیوٹن اور ایرانی صدر مسعود پزشکیان سمیت عالمی و علاقائی رہنماؤں کے ساتھ اسٹیج شیئر کریں گے۔

اجلاس کے اختتام پر پاکستان پہلی بار ایک سال کے لیے شنگھائی تعاون تنظیم (SCO) کی صدارت سنبھالے گا۔ اسی سلسلے میں پاکستان 2027 میں اسلام آباد میں ایس سی او کے سربراہانِ مملکت کے باقاعدہ اجلاس کی میزبانی بھی کرے گا۔

ایس سی او سربراہی اجلاس کے بعد وزیراعظم شہباز شریف 2 ستمبر کو کرغزستان کا دوطرفہ دورہ بھی کریں گے، جس کے دوران دونوں ممالک کے مابین تجارت، معیشت اور علاقائی تعاون کو فروغ دینے کے لیے اہم بات چیت متوقع ہے۔