ریشم لوگوں کی زندگیاں خراب کرتی ہیں: اداکارہ دیدار کا الزام

پاکستان کی سابقہ معروف اداکارہ دیدار نے سینیئر اداکارہ ریشم کے خلاف محاذ کھولتے ہوئے ان پر انتہائی منفی شخصیت ہونے کا الزام عائد کیا ہے۔ ایک نجی ٹی وی چینل کے عید اسپیشل شو میں شرکت کے دوران دیدار نے ریشم کی پیشہ ورانہ صلاحیتوں اور ذاتی زندگی کے حوالے سے حیران کن گفتگو کر کے سوشل میڈیا پر بحث چھیڑ دی ہے

پروگرام کے دوران جب میزبان نے نرگس اور ریشم سے متعلق سوال کیا، تو دیدار نے اپنی بہن نرگس کو ایک بہترین اداکارہ قرار دیا، تاہم ریشم کا ذکر آتے ہی ان کا لہجہ تلخ ہو گیا۔ دیدار کا کہنا تھا کہ “ریشم ایک اچھی اداکارہ ہیں اور وہ منفی چیزوں کو پیش کرنے میں مہارت رکھتی ہیں، لیکن وہ حقیقی زندگی میں بھی بہت منفی انسان ہیں اور انہوں نے بہت سے لوگوں کی زندگیاں خراب کی ہیں۔”

ریشم کے مشہورِ زمانہ فلاحی کاموں اور غریبوں کے لیے کھانا پکانے کے حوالے سے طنزیہ گفتگو کرتے ہوئے دیدار نے کہا کہ “مجھے ڈر ہے کہ جس طرح وہ کھانا بناتی ہیں، کہیں ایک دن وہ خود ہی اس دیگ میں نہ گر جائیں۔” دیدار نے انکشاف کیا کہ ان کا ریشم کے ساتھ برسوں پر محیط ذاتی تجربہ اور دوستی رہی ہے، اسی بنیاد پر وہ ریشم کے موجودہ دوستوں کو مشورہ دیتی ہیں کہ وہ ان سے ہوشیار رہیں اور بچ کر رہیں۔