بھارتی گلوکار بادشاہ مشکل میں پھنس گئے، مقدمہ درج

بھارتی میڈیا کے مطابق مقدمہ ریاست ہریانہ کے شہر پنچکولہ کے رہائشیوں کی جانب سے درج کرایا گیا۔ اس کی وجہ گلوکار کی حال ہی میں ریلیز ہونے والی میوزک ویڈیو ’تاتیری‘ کے الفاظ اور فلم بندی پر اعتراض ہے۔

رہائشیوں نے گانے کے مواد کو نامناسب اور بے حیائی سے متعلق قرار دیتے ہوئے قانونی کارروائی کی درخواست کی۔ گلوکار کے خلاف مقدمہ سائبر کرائم پولیس اسٹیشن میں بے حیائی سے متعلق ایکٹ کے تحت درج کیا گیا ہے۔

میڈیا رپورٹس کے مطابق اس واقعے کے بعد گلوکار اور ان کے ٹیم کے ردعمل کا انتظار ہے، جبکہ سوشل میڈیا پر گانے پر تنازع اور صارفین کے تبصرے بھی زور پکڑ چکے ہیں۔