ورلڈکپ میں پاکستان کی جیت کے روشن امکانات ہیں، سابق بھارتی اسپنر

بھارت کے سابق کھلاڑی روی چندرن ایشون کے بیان نے بھارت میں کئی لوگوں کو ناراض کردیا۔۔کہتےہیں پاکستان کے اوپنرز اور بولرز ٹیم کی بڑی طاقت ہیں۔ٹی ٹوئنٹی ورلڈکپ میں پاکستان کی جیت کےروشن امکانات ہیں۔

سابق بھارتی اسپنرنے اوپننگ جوڑی پاکستان کی سب سے بڑی طاقت ہے۔ بابر اعظم اوپن نہیں کریں گے بلکہ صاحبزادہ فرحان اور صائم ایوب اوپن کریں گے۔ صائم ایوب پاور پلے میں بیٹنگ کے دوران متاثر کن رہے ہیں۔

انہوں نے کہا کہ بولنگ میں شاہین شاہ آفریدی کا پاور پلے میں اکانومی ریٹ 6.5 ہے۔ ابرار احمد اور نواز بھی اچھے  بولرز ہیں ، نواز کنٹرول کے ساتھ اور ابرار اپنی انفرادیت کی وجہ سے خطرناک ہیں۔

ایشون نے پاکستان ٹیم کی کمزوریوں کا بھی ذکر کیا، جن میں بعض اہم کھلاڑیوں کی غیر مستقل کارکردگی اور ٹیم کمبی نیشن کے فیصلے شامل ہیں، تاہم انہوں نے ابھرتے ہوئے ٹیلنٹ کی صلاحیت کو بھی تسلیم کیا۔

انہوں نے کہا پاکستان کی کمزوری بابر اعظم کا مڈل آرڈر میں آنا ہے، جبکہ نسیم شاہ اور شاہین شاہ آفریدی کی ڈیتھ اوورز میں بولنگ زیادہ مؤثر نہیں رہی۔ شاداب خان کی بیٹنگ اور بولنگ فارم میں بھی کمی آئی ہے۔آخر میں ایشون نے کہا کہ مجموعی طور پر پاکستان کی ٹیم مضبوط ہے ، البتہ کمزوریاں بھی ہیں۔