لیجنڈری اداکار دھرمیندرکو موت کے بعد پدم و بھوشن سے نواز دیا گیا

بالی ووڈ کے مشہور اداکار دھرمیندر کو ان کی وفات کے بعد بھارتی حکومت کی جانب سے پدم وبھوشن ایوارڈ سے نوازا گیا ہے، جو بھارت کا دوسرا بڑا سول ایوارڈ ہے۔

2026 کے پدم وبھوشن ایوارڈز کے اعلان کے دوران دھرمیندر کو اس اعزاز کے لیے نامزد کیا گیا، جس سے ان کی فیملی میں خوشی اور غم کا ملا جلا احساس پیدا ہوا۔

فلم ساز انیل شرما نے دھرمیندر کے ساتھ اپنے پیشہ ورانہ تعلقات کا ذکر کرتے ہوئے سوشل میڈیا پر جذباتی ردعمل دیا اور کہا کہ “دھرمیندر جی کے ہر مداح کو ان کے پدم وبھوشن پر دلی مبارکباد۔ ایک ہی خواہش ہے کہ یہ اعزاز وہ خود حاصل کرتے، تو خوشی اور بھی زیادہ ہوتی۔”

یہ ایوارڈ دھرمیندر کی فنکاری اور بھارتی فلم انڈسٹری میں ان کی خدمات کا اعتراف ہے، جو ان کی یاد کو ہمیشہ زندہ رکھے گا۔