معروف امریکی ماڈل اور بوائے فرینڈ میں 2 سالہ تعلق کے بعد علیحدگی

لبنانی نژاد امریکی ماڈل بیلا حدید اور ان کے بوائے فرینڈ ایڈن بینویولوس کے درمیان دو سالہ رشتہ حالیہ دنوں میں اختتام پذیر ہوگیا ہے۔

ذرائع کے مطابق دونوں نے اپنے تعلق کو خاموشی سے ختم کیا، جس کے بعد بیلا حدید اپنی زندگی میں اہم تبدیلیاں لانے کی کوشش کر رہی ہیں۔ قریبی ذرائع کا کہنا ہے کہ وہ خود کو پیشہ ورانہ کام میں مصروف رکھ کر مثبت رہنے کی کوشش کر رہی ہیں اور دوستوں کے ساتھ وقت گزار رہی ہیں۔

اس کے علاوہ بیلا اپنی پرفیوم برانڈ ’اوریبلا‘ پر کام کر رہی ہیں اور فیشن کی دنیا میں واپسی کے لیے تیاری کر رہی ہیں۔ بیلا کے لیے یہ علیحدگی مشکل مرحلہ ہے کیونکہ ایڈن کے ساتھ ان کا تعلق گزشتہ دو سالوں میں بہت سنجیدہ ہوچکا تھا۔