رجب بٹ کی عبدالستار ایدھی کا کردار ادا کرنے کی خواہش، صارفین کی کڑی تنقید

معروف یوٹیوبر رجب بٹ کی جانب سے عظمیٰ سماجی کارکن عبدالستار ایدھی کی زندگی پر بننے والی فلم میں مرکزی کردار ادا کرنے کی خواہش کے اظہار پر سوشل میڈیا پر نیا تنازع کھڑا ہو گیا ہے۔ احمد علی بٹ کے پوڈکاسٹ میں گفتگو کرتے ہوئے رجب بٹ نے کہا کہ وہ ایدھی صاحب سے بے حد محبت کرتے ہیں اور اگر موقع ملا تو ان کی بائیو پک میں کام کرنا چاہیں گے، تاہم یہ ناظرین کی قبولیت پر منحصر ہوگا۔ اس بیان کے بعد سوشل میڈیا صارفین نے رجب بٹ کی شخصیت اور ایدھی صاحب کی عظیم خدمات کا موازنہ کرتے ہوئے شدید تنقید کی اور اس انتخاب کو نا مناسب قرار دیا۔