ترکیہ کا سعودی عرب میں فوجی اہلکار تعینات کرنے کا فیصلہ

ترکیہ نے سعودی عرب کے ساتھ مشترکہ دفاعی معاہدے کی توثیق کے بعد مملکت میں اپنے فوجی اہلکار تعینات کرنے کا فیصلہ کیا ہے۔ خبر رساں ادارے رائٹرز کے مطابق ترک حکمران جماعت کے پارلیمنٹرین نے بتایا کہ توثیق کے بعد فوجی تعیناتی کے لیے آئینی قرارداد ترک پارلیمنٹ میں پیش کی جائے گی۔ معاہدے کے تحت تعینات کیے جانے والے ترک فوجی ابتدائی طور پر فضائی دفاع اور الیکٹرانک وارفیئر کے شعبوں میں سعودی افواج کو معاونت فراہم کریں گے، تاہم وہ کسی بھی قسم کی جارحانہ فوجی کارروائیوں میں حصہ نہیں لیں گے۔ علاوہ ازیں ترکیہ نے بحیرۂ احمر میں تجارتی بحری جہازوں کی حفاظت کو یقینی بنانے کے لیے سعودی عرب کی قیادت میں قائم بحری اتحاد کا حصہ بننے پر بھی اتفاق کر لیا ہے۔