ترکیہ، قطر، پاکستان اور انڈونیشیا کے دفاعی تعاون بڑھانے کے معاہدے پر دستخط

ترکیہ، قطر، پاکستان اور انڈونیشیا نے باہمی دفاعی تعاون کو وسعت دینے اور اپنی دفاعی صلاحیتوں کو مضبوط بنانے کے لیے دوحہ میں ایک اہم چہار فریقہ معاہدے پر دستخط کر دیے ہیں۔ ترک وزارتِ دفاع کی جانب سے جاری بیان کے مطابق اس معاہدے کے تحت چاروں برادر ممالک مشترکہ فوجی مشقوں اور اعلیٰ سطح کے تربیتی پروگراموں کو فروغ دیں گے۔ اس کے علاوہ معاہدے میں دفاعی صنعتوں کے درمیان اشتراکِ عمل اور مشترکہ تحقیق و ترقی (R&D) پر خاص توجہ دی جائے گی تاکہ چاروں ممالک کی تکنیکی و دفاعی خود انحصاری کو نئی بلندیوں تک پہنچایا جا سکے۔