‘اسے فوری ہٹائیں،’ نیہا شرما نے بغیر اجازت اے آئی سے تصاویر اور ویڈیوز بنانے والوں کو خبردار کردیا
Web Desk
19 October 2026
بھارتی شوبز انڈسٹری کی معروف اداکارہ نیہا شرما نے آرٹی فیشل انٹیلی جنس (AI) ٹیکنالوجی کے ذریعے اپنے چہرے اور شبیہہ کے غلط استعمال کے خلاف سخت اور قانونی مؤقف اختیار کرتے ہوئے سوشل میڈیا پر انتباہ جاری کر دیا ہے۔
بھارتی میڈیا کے مطابق اداکارہ نیہا شرما نے سماجی رابطے کی ویب سائٹ ایکس (X) پر ایک خصوصی پیغام جاری کرتے ہوئے ایسی جعلی ویڈیوز اور تصاویر بنانے والوں کو آڑے ہاتھوں لیا۔ اداکارہ نے لکھا کہ “جو کوئی بھی میری اجازت کے بغیر اے آئی ٹیکنالوجی کا استعمال کرتے ہوئے میرے چہرے یا میری شبیہہ سے ویڈیوز یا تصاویر تیار کر رہا ہے، اسے سخت خبردار کیا جاتا ہے کہ وہ فوراً ایسا کرنا بند کر دے”۔
انہوں نے مزید کہا کہ ڈیجیٹل پلیٹ فارمز پر جو ڈیپ فیک یا اے آئی سے تیار کردہ گمراہ کن مواد پہلے ہی پوسٹ کیا جا چکا ہے، اسے فوری طور پر ہٹایا جائے اور آئندہ ان کی شناخت، چہرے یا جسمانی شبیہہ کا استعمال کرتے ہوئے مزید کوئی بھی اے آئی تصاویر یا ویڈیوز بنانے، ایڈٹ کرنے یا پھیلانے سے مکمل طور پر باز رہا جائے۔ نیہا شرما کے اس سخت رویے کو بالی وڈ میں فنکاروں کے ڈیجیٹل حقوق اور ڈیپ فیک ٹیکنالوجی کے بڑھتے ہوئے خطرات کے خلاف ایک اہم پیش رفت قرار دیا جا رہا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026