بھارتی معروف اداکار کمال رشید خان رہائشی عمارت پر فائرنگ کے الزام میں گرفتارم

بولی ووڈ کے معروف اداکار، فلم ساز اور متنازع بیانات کے لیے مشہور کمال رشید خان (کے آر کے) کو ممبئی پولیس نے رہائشی عمارت میں فائرنگ کرنے کے الزام میں گرفتار کر لیا۔

واقعہ 18 جنوری 2026 کو آندھیری کے اوشیواڑہ علاقے میں نالندا سوسائٹی میں پیش آیا، جہاں عمارت کی دیواروں میں دو گولیاں لگی پائی گئیں۔ ایک گولی دوسری منزل کے فلیٹ سے اور دوسری چوتھی منزل کے فلیٹ سے برآمد ہوئی۔ خوش قسمتی سے عمارت میں کسی کے زخمی ہونے کی اطلاع نہیں ملی۔

ابتدائی تحقیقات کے دوران سی سی ٹی وی فوٹیج سے گولیاں چلانے کا ماخذ معلوم نہیں ہو سکا، تاہم فارنزک تجزیے سے گولیاں کے آر کے کے قریب واقع بنگلے سے چلائی گئی تھیں۔ پولیس نے کے آر کے کو جمعہ کی شب حراست میں لیا اور تفتیش جاری ہے۔

پولیس کے مطابق کے آر کے نے بیان میں اعتراف کیا کہ انہوں نے اپنے لائسنس یافتہ ہتھیار سے دو گولیاں چلائیں۔ ہتھیار پولیس کے قبضے میں لے لیا گیا ہے اور مزید قانونی کارروائی جاری ہے۔

تفتیش ابھی مکمل نہیں ہوئی، اور یہ واضح نہیں کہ فائرنگ حادثاتی تھی یا دانستہ۔ متعلقہ دفعات کے تحت مقدمہ درج کر لیا گیا ہے۔