ٹرمپ کا ایران جنگ جلد ختم ہونے کا دعویٰ، تیل کی قیمتیں تیزی سے گرنے کی پیشگوئی

امریکی صدر ڈونلڈ ٹرمپ نے دعویٰ کیا ہے کہ ایران کے خلاف امریکا اور اسرائیل کی جنگ بہت جلد اپنے اختتام کو پہنچ جائے گی اور جنگ ختم ہوتے ہی عالمی مارکیٹ میں تیل کی قیمتیں تیزی سے نیچے آ جائیں گی۔ امریکی ریاست نارتھ کیرولینا میں انتخابی ریلی سے خطاب کرتے ہوئے انہوں نے کہا کہ امریکا نے تہران کو جوہری بم بنانے سے روک دیا ہے، جبکہ ایران نومبر کے امریکی وسط مدتی انتخابات تک جنگ کو طول دینے کی کوشش میں ہے۔ ڈونلڈ ٹرمپ نے مزید کہا کہ ایران اب ماضی کی طرح طاقتور نہیں رہا اور نہ ہی کسی کو دھمکانے کی پوزیشن میں ہے، تاہم صورتحال کے پیشِ نظر ایران کے خلاف مزید سخت اقدامات اور کارروائیاں بھی ممکن ہیں۔