مدینہ منورہ اور مشرقی علاقوں کی جانب آنیوالے 5 ڈرونز تباہ کر دیئے: سعودی فوجی اتحاد

سعودی عسکری اتحاد نے دعویٰ کیا ہے کہ دفاعی کارروائی کے دوران مدینہ منورہ اور سعودی عرب کے مشرقی علاقوں کی جانب آنے والے 5 ڈرون فضا میں ہی تباہ کر دیے گئے ہیں۔ دوسری جانب یمنی فورسز کی جانب سے حوثی ملیشیا کے خلاف جاری آپریشن ‘فجر الیمن’ کے تحت پچھلے 24 گھنٹوں میں 744 حملے کیے گئے ہیں جن میں 200 حوثی جنگجوؤں کی ہلاکت کا دعویٰ کیا گیا ہے۔ سیکیورٹی خدشات کے پیش نظر 10 اکتوبر سے عارضی طور پر بند ہونے والے سعودی دارالحکومت ریاض کے کنگ خالد انٹرنیشنل ایئرپورٹ کو بھی سخت ترین شرائط اور پیشگی اجازت کے ساتھ محدود فضائی ٹریفک کے لیے دوبارہ کھول دیا گیا ہے۔