بیشتر معمر افراد 8 گھنٹے تک سونے کے باوجود پُر سکون نیند سے محروم

برطانیہ میں کی گئی ایک جدید طبی تحقیق میں انکشاف ہوا ہے کہ 10 میں سے 9 معمر افراد ماہرین کی تجویز کردہ 6 سے 8 گھنٹے کی نیند لینے کے باوجود معیاری اور پرسکون نیند سے محروم رہتے ہیں۔ نیشنل ہیلتھ سروس کے مطابق برطانیہ میں ہر 3 میں سے 1 فرد بے خوابی کا شکار ہے، جبکہ 50 سے 66 سال کی عمر کے ملازمین پر کی گئی تحقیق کے مطابق تقریباً 90% شرکا رات کو باقاعدگی سے کئی بار جاگتے ہیں۔ ڈیٹا سائنسدان پروفیسر ایتھاناسیوس ساناس کی سربراہی میں ہونے والی اس تحقیق میں معلوم ہوا کہ اصلی مسئلہ نیند کا دورانیہ نہیں بلکہ رات بھر نیند میں آنے والا خلل ہے، جو کہ زیادہ تر ورک اسٹریس (کام کے ذہنی دباؤ) کے باعث ہوتا ہے۔ ماہرین نے خبردار کیا ہے کہ غیر معیاری نیند آگے چل کر ڈیمنشیا، ڈپریشن اور کینسر جیسے موذی امراض کا سبب بن سکتی ہے، لہٰذا آجروں اور پالیسی سازوں کو ورک لائف بیلنس بہتر بنانے پر فوری توجہ دینی چاہیے۔