کراچی ایئرپورٹ: فضائی مسافروں کے لیے لازمی نادرا ویکسینیشن سرٹیفکیٹ کی تاریخ میں 25 ستمبر تک توسیع

کراچی: بارڈر ہیلتھ سروسز نے کراچی ایئرپورٹ سے پرواز کرنے والے عمرہ زائرین اور مخصوص ممالک کے بین الاقوامی فضائی مسافروں کے لیے لازمی نادرا (NADRA) ڈیجیٹلائزڈ ویکسینیشن سرٹیفکیٹ حاصل کرنے کی آخری تاریخ میں 25 ستمبر 2026 تک توسیع کا باضابطہ اعلان کر دیا ہے۔

اس سے قبل حکام کی جانب سے نادرا سے منسلک ڈیجیٹلائزڈ ویکسینیشن سرٹیفکیٹ بنوانے کی آخری تاریخ 14 ستمبر مقرر کی گئی تھی। تاہم مسافروں کو درپیش دشواریوں کو مدِ نظر رکھتے ہوئے عمل درآمد کی تاریخ کو 25 ستمبر تک بڑھا دیا گیا ہے۔ بارڈر ہیلتھ سروسز کے احکامات کے مطابق، توسیع کے باوجود ‘فیڈرل ڈسپنسری اسٹار گیٹ’ پر مسافروں کی ویکسینیشن کا عمل بلا تعطل جاری رہے گا، جبکہ کراچی ایئرپورٹ کے کاؤنٹرز پر باقاعدہ ویکسینیشن اور تصدیق کا آغاز نئی اعلان کردہ تاریخ کے بعد کیا جائے گا۔

دوسری جانب، عمرہ زائرین اور دیگر بین الاقوامی مسافروں کی بڑھتی ہوئی تعداد کو سہولت فراہم کرنے کے لیے وفاقی وزارتِ صحت نے کراچی میں مزید نیا ویکسینیشن سینٹرز قائم کرنے کا فیصلہ کیا ہے۔

وزارتِ صحت کے منصوبے کے مطابق، رواں ماہ کے دوران ہی شہر کا دوسرا ڈیجیٹلائزڈ ویکسینیشن سینٹر کراچی کے سٹی ایریا (مرکزی علاقے) میں مکمل طور پر فعال کر دیا جائے گا، جبکہ مسافروں کی سہولت کے لیے تیسرا ویکسینیشن سینٹر ضلع وسطی (ڈسٹرکٹ سینٹرل) میں قائم کرنے کی منظوری دی گئی ہے۔ ان اقدامات کا مقصد ایئرپورٹ اور اسٹار گیٹ سینٹر پر رش کو کم کرنا اور مسافروں کو نادرا سے تصدیق شدہ ڈیجیٹل کارڈر کی باآسانی فراہمی کو یقینی بنانا ہے۔