نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
Web Desk
24 July 2026
راولپنڈی کے ہولی فیملی ہسپتال کی گائنی وارڈ کی نرسری میں زیرِ علاج 23 روزہ نوزائیدہ بچی کے دائیں ہاتھ کا انگوٹھا کٹنے کا سنگین واقعہ سامنے آیا ہے۔ متاثرہ بچی کے والد کی مدعیت میں تھانہ نیوٹاؤن پولیس نے انسانی اعضا کو نقصان پہنچانے کی دفعہ 334 ت پ کے تحت مقدمہ درج کر لیا ہے، جس میں ڈیوٹی پر موجود نرس نیلم صدیق کو نامزد کیا گیا ہے۔
ضلع اٹک کے رہائشی اور پیشے کے لحاظ سے کارپینٹر متاثرہ والد قیصر محمود کے مطابق ان کی بیٹی کی پیدائش ہولی فیملی ہسپتال میں ہوئی تھی اور تب سے وہ نرسری میں زیرِ علاج تھی۔ انہوں نے بتایا کہ جب وہ اپنی بیٹی سے ملنے ہسپتال پہنچے تو انہوں نے دیکھا کہ اس کے دائیں ہاتھ کا انگوٹھا کٹا ہوا تھا۔ جب اس متعلق ڈیوٹی پر موجود ڈاکٹرز سے پوچھ گچھ کی تو بتایا گیا کہ انگوٹھا نرس نیلم صدیق سے غلطی سے کٹا ہے۔
والد کا موقف ہے کہ ہسپتال انتظامیہ نے واقعے کی کوئی واضح وجہ نہیں بتائی اور صرف انکوائری کی یقین دہانی کرائی لیکن تاحال ذمہ داروں کے خلاف کوئی انتظامی کارروائی نہیں کی گئی، جس کے بعد انہوں نے انصاف کے لیے پولیس سے رجوع کیا۔ دوسری جانب پولیس کا کہنا ہے کہ درخواست اور مقدمے کے بعد قانون کے مطابق مزید قانونی کارروائی اور چھان بین شروع کر دی گئی ہے، جبکہ ہسپتال انتظامیہ کا اس معاملے پر باضابطہ موقف آنا باقی ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026