LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

صدر آصف زرداری کا لبنان جنگ بندی کا خیرمقدم، خطے میں امن مذاکرات پر زور

Web Desk

17 April 2026

صدر مملکت آصف علی زرداری نے لبنان میں جنگ بندی کے اعلان کا بھرپور خیرمقدم کرتے ہوئے اسے خطے میں کشیدگی کی کمی اور امن و استحکام کی بحالی کے لیے ایک کلیدی سنگِ میل قرار دیا ہے۔ ایوانِ صدر سے جاری بیان میں صدر زرداری نے واضح کیا کہ پائیدار امن کی بنیاد صرف مذاکرات، ایک دوسرے کی خودمختاری کے احترام اور عالمی قوانین کی پاسداری پر ہی رکھی جا سکتی ہے۔

صدر مملکت نے لبنان کی خودمختاری اور علاقائی سالمیت کے لیے پاکستان کی غیر متزلزل حمایت کا اعادہ کرتے ہوئے کہا کہ حالیہ جنگ بندی دیرپا امن کی سمت پیشرفت کا ایک بہترین موقع فراہم کرتی ہے۔ انہوں نے اس بات پر زور دیا کہ مغربی ایشیا (مشرقِ وسطیٰ) میں مستقل امن تب ہی ممکن ہے جب تنازعات کی بنیادی وجوہات کو حل کیا جائے۔

آصف زرداری نے فریقین پر تحمل اور ذمہ دارانہ طرزِ عمل اختیار کرنے پر زور دیا تاکہ امن کے اس عمل کو سبوتاژ ہونے سے بچایا جا سکے۔ انہوں نے مزید کہا کہ پاکستان اس سلسلے میں اپنے علاقائی اور عالمی شراکت داروں کے ساتھ مسلسل رابطے میں ہے اور خطے میں منصفانہ و جامع امن کے فروغ کے لیے ہر مخلصانہ کوشش کی حمایت جاری رکھے گا۔