ایران امریکا کشیدگی کسی کے مفاد میں نہیں، فریقین تحمل کا مظاہرہ کریں: پاکستان
Web Desk
16 July 2026
پاکستان کی وزارتِ خارجہ نے ایران اور امریکہ کے درمیان دوبارہ بڑھتی ہوئی کشیدگی پر گہری تشویش کا اظہار کرتے ہوئے واضح کیا ہے کہ یہ تنازع کسی کے مفاد میں نہیں اور تمام مسائل کا حل صرف مذاکرات اور سفارت کاری میں مضمر ہے۔ ترجمان دفترِ خارجہ طاہر حسین اندرابی نے ہفتہ وار بریفنگ میں بتایا کہ پاکستان آبنائے ہرمز (Strait of Hormuz) سے تجارت اور عالمی توانائی کی بلا تعطل ترسیل پر یقین رکھتا ہے، کیونکہ وہاں پیدا ہونے والی غیر معمولی صورتحال سے گلوبل ساؤتھ اور ترقی پذیر ممالک شدید متاثر ہو رہے ہیں۔ انہوں نے فریقین پر زور دیا کہ وہ تشدد کا راستہ چھوڑ کر ۲۲ جون ۲۰۲۶ کے پاک قطر مشترکہ اعلامیے کے مطابق مذاکرات دوبارہ شروع کریں۔ جاپان اور بھارت کے مشترکہ اعلامیے میں کراس بارڈر ٹیررازم کے الزام پر ردِعمل دیتے ہوئے ترجمان نے بتایا کہ پاکستان نے جاپانی سفیر کو طلب کر کے باقاعدہ ڈی مارش (Demarche) جاری کیا ہے، تاہم جاپان کی پاکستان سے متعلق پالیسی میں کوئی تبدیلی نہیں آئی اور بھارت ہمیشہ ایسے اعلامیوں میں یکطرفہ نکات شامل کرنے پر زور دیتا ہے۔ ترجمان نے واضح کیا کہ پاکستان میں چینی شہریوں کی سیکیورٹی ہماری اولین ترجیح ہے، جبکہ برطانیہ میں بچوں کے جنسی استحصال کے کیس میں نامزد شبیر حسین برطانوی شہری ہیں اور یہ برطانیہ کا اندرونی معاملہ ہے۔ ترجمان نے مقبوضہ کشمیر کے حریت رہنماؤں کے خلاف بھارتی چارج شیٹ کی سخت مذمت کرتے ہوئے مسئلہ کشمیر کو اقوامِ متحدہ کی قراردادوں کے مطابق حل کرنے کا مطالبہ دہرایا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026