پاکستان کا جاپانی سفیر کو ڈی مارش، مشترکہ اعلامیے پر احتجاج

پاکستان نے جاپان اور بھارت کے مشترکہ اعلامیے میں اسلام آباد پر کراس بارڈر ٹیررازم (سرحد پار دہشت گردی) کے یکطرفہ الزامات عائد کیے جانے پر سخت ردِعمل دیتے ہوئے جاپانی سفیر کو طلب کر کے باضابطہ ڈی مارش (Demarche) جاری کر دیا ہے۔ ترجمان دفترِ خارجہ طاہر حسین اندرابی کے مطابق، جاپانی سفیر کو دفترِ خارجہ طلب کر کے پاکستان کی جانب سے شدید سفارتی احتجاج ریکارڈ کرایا گیا۔ ترجمان نے واضح کیا کہ اس واقعے کے باوجود جاپان کی پاکستان سے متعلق بنیادی خارجہ پالیسی میں کوئی تبدیلی نہیں آئی، تاہم بھارت ہمیشہ اپنے روایتی ہتھکنڈوں کے تحت ایسے مشترکہ اعلامیوں میں یکطرفہ اور پاکستان مخالف نکات شامل کرنے کے لیے دباؤ ڈالتا ہے۔