پودوں پر مشتمل غذا آنتوں کے بیکٹیریا کیسے اثر انداز ہوتی ہے؟ اہم انکشاف

پودوں پر مشتمل غذا انسانی صحت بالخصوص نظامِ ہاضمہ، مدافعتی نظام، میٹابولزم اور قلبی صحت پر انتہائی مثبت اثرات مرتب کرتی ہے۔ لڈوِگ پرنسٹن سے وابستہ سائنس دانوں جینا ابو سلیم اور ڈائریکٹر جوشوا رابینووٹز کی قیادت میں کی گئی دو جدید تحقیقات میں یہ انکشاف سامنے آیا ہے کہ نباتاتی غذا میں موجود غذائی فائبر اور فائٹو کیمیکلز (رنگ دار کیمیائی مرکبات) آنتوں میں موجود مائیکرو بایوم کی ساخت اور ان سے پیدا ہونے والے مفید میٹابولائٹس کو بہتر بناتے ہیں۔ پروسیڈنگز آف دی نیشنل اکیڈمی آف سائنسز (PNAS) اور ‘نیچر میٹابولزم’ میں شائع ہونے والی ان رپورٹس کے مطابق نباتاتی فائبر اور پروٹینز آنتوں کے جراثیم کے میٹابولزم کو اس طرح تبدیل کرتے ہیں جس سے نقصان دہ مرکبات کی مقدار کم اور مفید کیمیائی اجزا کی مقدار بڑھ جاتی ہے۔ اس تحقیق میں یہ حیران کن انکشاف بھی ہوا کہ جن اہم میٹابولائٹس کو صرف آنتوں کے بیکٹیریا کی پیداوار سمجھا جاتا تھا، وہ دراصل ممالیہ جانوروں کے جسم میں بھی خود بخود نمایاں مقدار میں پیدا ہو سکتے ہیں۔ ماہرین کا ماننا ہے کہ یہ دریافتیں مستقبل میں مخصوص غذائی حکمت عملیوں اور آنتوں کی صحت پر مبنی مؤثر علاج وضع کرنے میں انتہائی معاون ثابت ہوں گی۔