3 منٹ کی وہ ورزش جو 90 منٹ کی سائیکلنگ سے زیادہ فائدہ مند ہوسکتی ہے؛ تحقیق

ورزش کے شوقین اور مصروفیات کے باعث وقت نہ نکال پانے والے افراد کے لیے ایک نئی سائنسی تحقیق امید کی نئی کرن بن کر سامنے آئی ہے۔ معروف سائنسی جریدے میں شائع ہونے والی اس تحقیق میں ثابت ہوا ہے کہ روزانہ گھنٹوں وقت نکالنے کے بجائے صرف چند منٹ کی انتہائی تیز اور شدید جسمانی سرگرمی (High-Intensity Exercise) بھی جسم میں فوری اور نمایاں حیاتیاتی تبدیلیاں پیدا کر سکتی ہے۔

تحقیق کے دوران سائنس دانوں نے مختصر دورانیے کی تیز رفتار سائیکلنگ اور معمول کی رفتار سے کی جانے والی ورزش کے انسانی جسم پر اثرات کا تفصیلی موازنہ کیا۔ تجربے کے دوران شرکا سے ایکسرسائز بائیک پر 30، 30 سیکنڈز کے شدید رفتار والے اسپریئنٹس (Sprints) کروائے گئے، جن کے درمیان 4 منٹ کا وقفہ اور آرام رکھا گیا۔

خون کے پروٹینز میں نمایاں تبدیلیاں

• شدید اور تیز ورزش: خون میں 714 پروٹینز کے اندر مثبت اور نمایاں تبدیلیاں ریکارڈ کی گئیں۔

• معمول کی سست ورزش: یکساں دورانیے کے بعد صرف 7 پروٹینز میں تبدیلیاں دیکھی گئیں۔

ماہرین کا کہنا ہے کہ ان پروٹینز کا براہِ راست تعلق انسان کے دل کی صحت، میٹابولزم کو تیز کرنے اور جسمانی چربی (Fat Burning) کو گھٹانے سے ہے۔ یہ تحقیق ثابت کرتی ہے کہ گھنٹوں جم جانے کے بجائے دن میں چند منٹ کی شدید ورزش بھی جسمانی صحت اور بالخصوص دل کو توانا رکھنے کے لیے انتہائی مؤثر ثابت ہو سکتی ہے۔