استاد نصرت فتح علی خان کو مداحوں سے بچھڑے 29 برس بیت گئے

قوالی کے فن کو عالمی سطح پر نئی پہچان دینے والے عظیم قوال استاد نصرت فتح علی خان کو اپنے مداحوں سے بچھڑے 29 برس بیت گئے ہیں، مگر ان کا سحر اور آواز آج بھی دنیا بھر میں زندہ ہے۔ 13 اکتوبر 1948ء کو فیصل آباد میں پیدا ہونے والے نصرت فتح علی خان نے روایتی قوالی میں جدت اور جوش شامل کر کے اسے بین الاقوامی شہرت بخشی۔

لندن، پیرس، نیویارک اور ٹوکیو کے بین الاقوامی سٹیجز پر اپنی آواز کا جادو جگانے والے استاد نصرت فتح علی خان کو گریمی ایوارڈ کی نامزدگی سمیت متعدد عالمی اعزازات سے نوازا گیا۔ انہوں نے ایک ہزار سے زائد قوالیاں، فلمی نغمے اور صوفیانہ کلام ریکارڈ کرائے، جو آنے والی نسلوں کے لیے موسیقی کی ایک لازوال وراثت بن چکے ہیں۔