گوجرانوالہ ٹیچنگ ہسپتال کی چوری ادویات گودام سے برآمد، 4 افسران و اہلکار معطل

پنجاب کے شہر گوجرانوالہ کے ٹیچنگ ہسپتال سے سرکاری ادویات کی مبینہ چوری اور غیر قانونی گودام سے ان کی برآمدگی پر محکمہ سپیشلائزڈ ہیلتھ کیئر اینڈ میڈیکل ایجوکیشن نے سخت ایکشن لیتے ہوئے 4 افسران و اہلکاروں کو معطل کر دیا ہے۔ عوامی شکایات پر ڈرگ کنٹرول ٹیم نے ایک اچانک کارروائی کے دوران غیر قانونی گودام پر چھاپہ مار کر ہسپتال کی چوری شدہ سرکاری ادویات برآمد کیں۔ ہسپتال کے اندر سے اتنی بڑی تعداد میں ادویات کا باہر منتقل ہونا انتظامیہ کے مانیٹرنگ سسٹم، سٹاک مینجمنٹ اور سکیورٹی پر سنگین سوالات کھڑے کر رہا ہے۔