ٹرمپ نے اسلام آباد مفاہمت کے ذریعے ایران کو تسلیم کر لیا: باقر قالیباف

ایرانی پارلیمنٹ کے سپیکر اور چیف مذاکرات کار باقر قالیباف نے دعویٰ کیا ہے کہ امریکی صدر ڈونلڈ ٹرمپ نے ‘اسلام آباد مفاہمت کی یادداشت’ پر دستخط کر کے محورِ مزاحمت (Axis of Resistance) کو باضابطہ طور پر تسلیم کر لیا ہے۔ انہوں نے کہا کہ ٹرمپ کا مطالبہ تھا کہ ایران اپنے میزائل و نیوکلیئر پروگرام، مزاحمتی گروپوں کی حمایت اور آبنائے ہرمز کا معاملہ بالائے طاق رکھ دے، تاہم جارحانہ سفارت کاری کے نتیجے میں امریکا کو اسی رات ہرمز کی ناکہ بندی ختم کرنا پڑی۔

باقر قالیباف نے انکشاف کیا کہ جب ٹرمپ نے سوشل میڈیا پر دعویٰ کیا کہ ایران بھی آبنائے ہرمز کھول دے گا، تو انہوں نے امریکی مذاکرات کاروں کو الٹی میٹم دیا کہ بیان واپس نہ لیا گیا تو ایران حملہ کر دے گا، جس کے صرف 58 منٹ بعد ٹرمپ نے اپنے بیان کا وہ حصہ ہٹا دیا۔ انہوں نے مزید کہا کہ اسرائیل کو بھی لبنان کے علاقے داہیہ پر حملے کے بعد پورے خطے پر انتقامی کارروائی کی دھمکی دے کر مزید حملوں سے روکا گیا۔