کراچی: کالعدم تنظیم سے تعلق رکھنے والے 4 دہشت گرد گرفتار

کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے کالعدم تنظیم سے تعلق رکھنے والے 4 دہشت گردوں کو گرفتار کر لیا۔ سی ٹی ڈی ذرائع کے مطابق گرفتار دہشت گردوں کا تعلق کالعدم زینبیون بریگیڈ سے ہے۔

ذرائع کا کہنا ہے کہ گرفتار ملزمان حالیہ دنوں میں ہونے والی ٹارگٹ کلنگ کی وارداتوں میں ملوث رہے ہیں۔ مزید بتایا گیا کہ یہ دہشت گرد ماضی میں گرفتار ہونے والے دہشت گردوں کی سہولت کاری میں بھی شامل تھے۔

سی ٹی ڈی کے مطابق کارروائی کے دوران گرفتار دہشت گردوں کے قبضے سے بھاری مقدار میں اسلحہ بھی برآمد کر لیا گیا ہے جبکہ ملزمان سے مزید تفتیش جاری ہے۔