سینٹ کام نے ایران کے امریکی طیارے تباہ کرنے کے دعوے مسترد کر دیئے

امریکی سینٹرل کمانڈ (سینٹ کام) نے ایرانی دعوؤں کو سراسر غلط قرار دیتے ہوئے باضابطہ تردید کر دی ہے۔ سینٹ کام کی جانب سے جاری بیان میں کہا گیا ہے کہ ایرانی حملوں میں کسی قسم کا کوئی امریکی طیارہ تباہ نہیں ہوا اور تمام ایرانی میزائلوں و ڈرونز کو ناکام بنا دیا گیا، جس کی وجہ سے ایرانی حملے اپنے اہداف تک پہنچنے میں ناکام رہے۔ امریکی فوج نے سمندری ناکہ بندی توڑنے سے متعلق ایرانی دعوے کو بھی بے بنیاد قرار دے کر مسترد کر دیا۔ واضح رہے کہ ایران نے اردن میں تین امریکی ایف-35 (F-35) جنگی طیارے تباہ کرنے کا دعویٰ کیا تھا، جسے سینٹ کام نے یکسر رد کر دیا ہے۔