قطری ایل این جی جہاز نے آبنائے ہرمز عبور کر لی، آج پاکستانی حدود میں داخل ہوگا

خلیجی خطے میں بڑھتی ہوئی جغرافیائی و سیاسی کشیدگی کے باوجود پاکستان نے توانائی کے تحفظ کے لیے اہم پیش رفت کرتے ہوئے قطر انرجی کے ساتھ طویل مدتی حکومت سے حکومت (G2G) معاہدے کے تحت ایل این جی (LNG) کا ایک اور کارگو حاصل کر لیا ہے۔ یہ جہاز آبنائے ہرمز کو کامیابی سے عبور کرتے ہوئے پاکستانی سمندری حدود میں داخل ہو گیا ہے، جس سے ملک میں بلا تعطل گیس کی فراہمی یقینی بنانے میں مدد ملے گی۔ اس کارگو کی قیمت برینٹ کروڈ کے 13.37% کی شرح پر طے کی گئی ہے، جو کہ عالمی اسپاٹ مارکیٹ کی 22 ڈالر فی MMBTU سے زائد کی موجودہ قیمتوں کے مقابلے میں انتہائی مناسب اور سستی ہے۔ وزیراعظم شہباز شریف، وفاقی وزیرِ پٹرولیم علی پرویز ملک اور نیشنل کرائسز مینجمنٹ سیل نے اس کارگو کو بحفاظت پاکستان پہنچانے میں اہم اور مربوط کردار ادا کیا۔