پاسداران انقلاب کا کویت میں امریکا کی علی السالم ایئربیس پر حملے کا دعویٰ

ایرانی پاسدارانِ انقلاب (آئی آر جی سی) نے کویت میں قائم اور امریکی افواج کے زیرِ استعمال علی السالم ایئربیس پر بڑا حملہ کرنے کا دعویٰ کیا ہے۔ ایرانی سرکاری میڈیا کے مطابق پاسدارانِ انقلاب نے اپنے بیان میں کہا ہے کہ اس کارروائی کے دوران ایئربیس میں موجود ڈرون ہینگرز کے علاوہ فوجی طیاروں اور ہیلی کاپٹروں کے ایندھن ذخیرہ کرنے کی اہم تنصیبات کو کامیابی سے نشانہ بنا کر تباہ کر دیا گیا ہے۔

پاسدارانِ انقلاب نے کویتی عوام سے خطاب کرتے ہوئے واضح کیا ہے کہ یہ جوابی اور دفاعی اقدامات اس وقت تک مسلسل جاری رہیں گے جب تک مشرقِ وسطیٰ کے خطے سے غاصب اور لوٹ مار کرنے والی امریکی افواج کا مکمل انخلا ممکن نہیں ہو جاتا۔ ایرانی فورسز نے اپنے اس عزم کا اعادہ کیا ہے کہ امریکی فوجی موجودگی اور کارروائیوں کے خلاف ان کی کارروائیاں بلا تعطل جاری رہیں گی۔