محسن نقوی کی زیر صدارت اجلاس، پی ایس ایل سیزن کی تیاریوں پر گفتگو

چیئرمین پی سی بی محسن نقوی کی زیرِ صدارت پی ایس ایل انتظامیہ اور فرنچائز مالکان کی ایک تفصیلی جائزہ میٹنگ منعقد ہوئی، جس میں ایچ بی ایل پی ایس ایل سیزن 11 کے شاندار اور کامیاب انعقاد کا جائزہ لیا گیا۔ میٹنگ میں چیف ایگزیکٹو آفیسر سلمان نصیر، چیف فنانشل آفیسر جاوید مرتضٰی اور ڈائریکٹر پی ایس ایل عثمان واہلہ سمیت دیگر اعلیٰ حکام نے شرکت کی اور سخت حالات میں 44 میچز پر مشتمل اس ٹورنامنٹ کو کامیابی سے منعقد کروانے پر چیئرمین پی سی بی کو خراجِ تحسین پیش کیا۔ اجلاس میں بتایا گیا کہ پی ایس ایل 11 نے ٹی وی، اسٹریمنگ اور سوشل میڈیا پر ویورشپ کے تمام سابقہ ریکارڈ توڑ دیے ہیں۔ مزید برآں، آنے والے سیزن کی ونڈو، پلیئنگ کنڈیشنز، ڈائریکٹ سائننگ اور ریٹینشنز کے فیصلے کے لیے جلد ورکشاپس منعقد کی جائیں گی، جبکہ لیگ اور تمام 8 فرنچائزز کے باہمی اشتراک سے آفیشل مرچنڈائز پلیٹ فارم بھی لانچ کیا جائے گا۔ پی ایس ایل گورننگ کونسل کا اگلا اہم اجلاس اگست 2026 کے آخری ہفتے میں ہو گا۔